آیینی و عاشورائی ترکی

عين عين‌اللّـه

مناجات امام حسین(ع)

يكّه و تنها قالوب ميدانيده سلطان دين

نور چشم مصطفي سر حلقة اهل يقين

سرخوش و سرمست جاناندور اوزوب ال‌كوندن

محو نور حقّ، فنا في‌اللّـه اولوب سلطان دين

عالم شوق و وله‌ده پادشاه ملك عشق

طاقتون آلموشدي گويا زخم تيغ آهنين

نغمة «وجّهتُ وجهي» دلده سرگرم حضور

مست و مدهوش جمال حضرت جان‌آفرين

 

آه واويلا اوساعتدن كه قوم ظلم و كين

بير جفا‌ايّدي بوياندي قانه اول غرّا جبين

مه‌جبينندن آخوب قان دولدي چشم مستنه

ماسواني دوتدي اول بيدادن داد و انين

عين عين اللّهي قان دوتدي اوقاني سيلماقا

قوزادي دست خدائي گوشة پيراهنين

قلبِ قلبِ عالم اولدي آفتاب آسا عيان

بوسه‌گاه ايتدي او قلبي ناگهان بير تيركين

اوخ كي ديدي قلبينه قان اولدي قلب كاينات

سيندي اسلامه اولان بو ظلميله حصن حصين

تيره و تار اولدي يكسر شش جهات و نه قباب

آشكار اولدي جهاندا شور روز واپسين

جملة ذرّات عالم آب و آتش، باد و خاك

باتدي يكسر ماتمه اول غصه‌دن اولدي غمين

ناله و افغانه گلدي جملة افلاكيان

نازل اولدي عرش اعلادن يئره روح‌الامين

بو مصيبتدن پريشان اولدي جمله ماسوا

پردة ماتم چكيلدي گويلره مثل زمين

تا كه جاري اولدي ثاراللّـه يئره ياحق يازيب

كربلا دشتي سراسر اولدي رشگ ناف چين

قويدي يوز درگاه حقده سجديه سلطان عشق

اولدي مشغول ثناي ذات ربّ‌‌العالمين

عرض‌ائديب عشقنده يارب ماسوادن گيچموشم

بندة مسكينوم ايّاك نعبد نستعين

يوخ گلايم درد و محنتدن نه فرمان ايله‌سن

حكموه تابع‌دي دلدن پور ختم‌المرسلين

من رضاوه راضيم اي خالق ارض و سما

امريوه تسليم محضم دلدن اي جان‌آفرين

سالك عشقم طريق عشقده تعليم ايدوب

بوسلوكي قائد هستي اميرلمؤمنين‌(ع )

سيرة جدّيمدن اوتري من شهيد اولاّم كه تا

اولماسون بازيچه احكام خداوند معين

ورموشم يتميش ايكي قربان مناي عشقده

تا يئرين آلسون جهاندا حكم و دستورات دين

من تحمّل ايلرم مينلر بلا و محنته

اولماسون تعطيل تا مفهوم آيات مبين

من فراموش ايتموشم دنيا و مافيهاني تا

اولموشام ياد لقائيله بوگون خلوت‌نشين

شكر للّـه جمله ياران باش و جان تركين قيلوب

اولدولار منزلگه قرب و لقاده همنشين

لطف و احسان‌ايله يارب شاعر و مدّاحمه

«فاني و فيروزي» فيروز‌ايله روز واپسين

گلدي سس درگاه عزّلم يزلدن گوئيا

گل حسينيم گل كه سن سن زينت بزم لقا

 

رقيّه‌جان

حضرت رقیه(ع)

يوزون ارغوان گلي تك سولوب بو نه داستاندي رقيّه‌جان

بولوسن جمال مهون منه گل و گلستاندي رقيّه‌جان

گوره‌گر بو حالت زاريله سني ديدة مه و آفتاب

توكر اشگ تر يوزه دم به دم يانار اي قرار دل رباب

اولا كاش كون و مكان بو گون دل بيقرار يمه تك خراب

نيه هر نفس ايشون اي گلوم غمله فغاندي رقيّه‌جان

بو خرابه طيّ طريقده سنه خانقاه حضور دور

بو خرابه راه وصالده سنه شاهراه عبور دور

بو خرابه قلّه عشقده سنه جلوه‌گاه ظهور دور

بلي مست جام محبّته بورا چون جناندي رقيّه‌جان

اولا گر بو راه وصالده او گؤزل اياقلارون آبله

داغلوب گيده ره عشقده فرّ و شوكتون ايلمه گله

بوني بول‌كي ياره يتيشماقين يولي چوخدي مرحله مرحله

بو بلالر اهل محبّته ره امتحاندي رقيّه‌جان

بو خرابده گيجه‌لر ايشون اولي ناله تا دم صبحگاه

ائليوب سنون نفسون منه بو مكاني مسجد و خانقاه

نه صفالي يردي عبادته سوله ياحسين سوله يا الاه

كه بو ذكرلر هامي عاشقين دلنه رواندي رقيّه‌جان

نه سنون گوزونده قالوب يوخي نه قالوبدي منده توان و تاب

گيجه گوندوز آه و فغانيله سالوسان بو عالمه انقلاب

سارالوب يوزون غم و غصّه‌دن يورولوبسان اي دل بوتراب

سوله نيلييم، بولوسن آنان سنه مهرباندي رقيّه‌جان

بو خرابه گوشه‌سي اولدي تا سن نازنينه مكان بالا

دئديم ايله سن غم و درديوي من بي‌نوايه بيان بالا

ندن ايلدون بو قدر غمي من دل غمينه نهان بالا

منه ايندي كشف و عيان اولور بونه داستاندي رقيّه‌جان

سني اوچ گون اوچ گيجه ايليوب غم آيريلوق بيله ديده‌تر

من زاره گور او شهين ايدر غم فرقتي نقدر اثر

ايليوب مصيبت آيريلوق من خسته ني ايله خون جگر

كه دوزنمّرم بو مصيبته غم بيكراندي رقيّه‌جان

ندن اي گل حق لم يزل گيجه آغلوسان گونوز آغلوسان

ندن اي جمال حقه مثل گيجه آغلوسان گونوز آغلوسان

بيله كيم فراقدن اي گوزل گيجه آغلوسان گونوز آغلوسان

يته سن وصال حقيقته منه بو عياندي رقيّه‌جان

سنده من كيمي اي گوزل بالام نار هجردن گرچه يانموسان

شوق وصل جانان هوا سيله شام و كوفه ني چوخ دولانموسان

ايله اوز موسن ال بوكوندن بو خرابده دالدالانموسان

گوئيا بو يئر شامده سنه ابدي مكاندي رقيّه‌جان

سن كي ايلدون بو خرابده وصل ياريدن اوتري اعتكاف

گوز ياشيله آيينة دلي صيقل ايلدون مثل آفتاب

لايق اولدي دل، جان حضورنه، گلدي شه باشي ايلدون طواف

باش نه باش كه هر آشنايه بير گنج شايگاندي رقيّه‌جان

فكر شاعري شوق وصلدن نوحه ايليوب ايله منحرف

وزن و قافيه چخدي فكردن اولدي وزن‌لر بيله مختلف

يازدي نوحه ني اشگ چشمله راز عشقوي ايّدي منكشف

سنده لطفله ايله بير نظر گورنه خوش بياندي رقيّه‌جان

طاقت و توان ويردي فكرينه تا بو نوحه ني ايستيوب «حبيب»

«عابد» فتي سويليوب كي ياز «فانيا» داخي ايلمه شكيب

ايسته حقّدن تا كي ايليه جمله اونلارا كربلا نصيب

حق يانوندا چوخدور شرافتون عالمه عياندي رقيّه‌جان